حدود بين الشاب والبنت

السلام عليكم ورحمة الله وبركاته


النهارده سؤالى موجه للشباب وللبنات .

ايه علاقتك بالجنس الاخر؟

بتعرف تتعامل مع الجنس الاخر .. ولا بتعملها كانها واحد صاحبك .

مكن تقولها كلمه .. وبعد ما تفكر فيها تقول ياخبر انا ايه اللى انا قلته .

ممكن تهزر معاها بالايد ؟

ممكن تكلمها فى موضوع شبابى بحت .. وانت مش واخد بالك .

ممكن تسالها سؤال بناتى محرج ؟؟؟؟

ممكن تغلط قدامها وتقول لفظ شبابى ؟

ولا بتعتبرها حاجه رقيقه .. قابله للكسر ..

ممنوع اللمس .

ولا بتعتبرها منطقه عسكريه .. ممنوع الاقتراب او التصوير .

من الاخر .. ايه علاقتك بالجنس الاخر ؟؟؟

علاقه عاديه .. ولا

طيب البنات .. لو شاب عمل معاكى موقف من اللى فات .

هتخافى منه ؟؟؟ ولا هتقوللى ده طيب واللى فى قلبه على لسانه .

وهتقولى ايه يعنى ده زميل .. عادى يعنى .. انا ابعد عنه فى حالة لو كنت ناويه ارتبط بيه .

مستنيه اسمع ردودكم . بصراحة

مدام بتتعامل مع الانسان اللى قدامك بكل ادب وكل احترام سواء بنت او ولد , فأكيد اللى قدامك هيبادرك بنفس المعاملة , والشخص اللى قدامك هوه اللى بيحدد نطاق الكلام او الحوار أو الهزار اللى ما بينكم
وبالنسبالى اكيد فيه فرق فى الكلام والمعاملة لما بتعامل مع الولاد اللى زيي زيهم , ولما بتعامل مع اى بنت

على فكره اهم حاجه الاحترام المتبادل بين اى اتنين
لكن حكايه انك تتكلم معاها وتقول كلام خارج او الهزار بالايد
دى طبعا مينفعش ومش صح
احنا كده بنشيل الاحترام والحياء بتاع البنت لما تقولها كلام خارج كده
وبقوليك الاحترام مهم والتربيه بتطغى
وبتخلى كل واحد بيتصرف بطريقه كويسه ومحترمه

شكرا يا ملك الموضوع حلو

اولا شكرا ليكى يا ملك على التوبيك ده وانا من رأيى فعلا ان مادام الاحترام بين الولد والبنت متبادل يبقى محدش منهم هيعرض نفسه للاحراج مع التانىومرة تانيه شكرا على التوبيك ده